Rasmiy munosabat

Joriy yilning 4 iyul kuni ijtimoiy tarmoqdagi Telegram kanallarining birida, “Hamkorbank” ATB “Shahrixon” universal BXO da mijozlar soni ko’pligi va ularga yetarli darajada sharoitlar yaratilmaganligi to'g'risida e'lon qilingan xabar yuzasidan.

Ma’lumki, yurtimizda “Qurbon Hayiti” munosabati bilan 5 kunlik dam olish kunlari e’lon qilindi. Bayram kunlaridan so’ng, bu holat ilk ish kunlari (03-04.07.2023 y.) da aholining bank xizmatlariga bo’lgan ehtiyojini sezilarli darajada oshirib, o’z navbatida, bank ofislarida aholi navbatlarining keskin ko’payishiga olib keldi. Biroq bank xodimlari ushbu vaziyatda ichki tartib-qoidalar va mijozlarga xizmat ko’rsatish standartlariga rioya qilgan holda ish olib bordilar.  Ushbu xabar tarqatilgan kunning ikkinchi yarmidanoq, “Shahrixon” universal BXO mijozlariga xabarda ta`kidlanganidek holatda navbat kutishga xojat qolmadi. 

Hozirda “Shahrixon” universal BXO aholiga tez va sifatli xizmat ko’rsatishda davom etmoqda.