Rasmiy munosabat
08 / 06 / 2023Joriy yilning 6 iyun kuni ijtimoiy tarmoqlardagi Telegram kanallarining birida, “Hamkorbank” ATB Chirchiq universal BXOda mijoz o’qish uchun shartnoma to’lovini amalga oshirayotganda, undan ortiqcha pul mablag’i undirib olinganligi to'g'risida e'lon qilingan xabar yuzasidan.
Ushbu holat yuzasidan mijoz va bank ofisi mutaxassislari o’rtasida suhbat o’tkazildi. Bir marotabalik to’lovni amalga oshirish chog’ida kassir tomonidan yo’l qo’yilgan xatolik tufayli bank xizmati yechilganligi aniqlandi hamda ushbu ortiqcha yechilgan mablag’ o’sha kunning o’zida mijozga qaytarildi. Bunday holat birinchi marotaba bo’lganligi mijozga tushuntirildi va bu borada xodimga ogohlantirish berilganligi aytildi. Agar bunday holat takroran qaytarilsa, xodimga nisbatan qat’iy choralar ko’riladi.
Mijoz bank va uning xodimlariga hech qanday e’tirozi yo’qligi va yana bank xizmatlaridan foydalanmoqchi ekanligini ma’lum qildi.