“Hamkorbank” ATB – “Mijozlarga xizmat koʻrsatish boʻyicha eng yaxshi bank”

2015 yil 4 fevral kuni «Hamkor» biznes markazi binosida BankExpo-2015 mintaqaviy koʻrgazmasi boʻlib oʻtdi. Oʻzbekiston Respublikasi Markaziy banki, Oʻzbekiston Respublikasi Markaziy bankining Andijon viloyat Bosh boshqarmasi va Andijon viloyat hokimiyati koʻrgazmaning tashkilotchilari boʻldilar.

Koʻrgazmada Andijon viloyatida faoliyat yuritayotgan 13 ta bankning stendlari tashkil etilgan edi. Koʻrgazmaga biznes sektor, fermerlar va dehqon xoʻjaliklarining 300 dan ortiq vakillari, shuningdek, kollej bitiruvchilari tashrif buyurishdi.

Koʻrgazma doirasida konferensiya tashkil etilib, unda Oʻzbekiston Respublikasi Markaziy banki vakili bank-moliya sektorining ustuvor yoʻnalishlari, bitiruvchilarni kreditlash tamoyillari haqida toʻxtalib oʻtdi. Shuningdek, kollej bitiruvchilari oʻzlarini qiziqtirgan mavzular boʻyicha savollar bilan Markaziy bank va boshqa tijorat banklari vakillariga murojaat qilish imkoniyatiga ega boʻldilar.

Koʻrgazma natijalariga koʻra “Hamkorbank” АTB “Mijozlarga xizmat koʻrsatish boʻyicha eng yaxshi bank” nominatsiyasi gʻolibi deb topildi.