“Hamkorbank” ATB Osiyo taraqiyot bankining O'zbekistondagi etakchi bank-hamkori
27 / 04 / 20152015 yil 22 aprel kuni Singapur davlatida Osiyo taraqqiyot bankining (OTB) savdoni moliyalashtirish loyihasi (TFP) bo'yicha birinchi an'anaviy taqdirlash marosimi bo'lib o'tdi. O'z mintaqasida savdo sohasini rivojlantirishda o'z xissasini qo'shgan Osiyoning 12 ta bank-hamkorlari Osiyo taraqqiyot bankining sovg'alar bilan taqdirlandilar. OTB savdoni moliyalashtirish bo'limi boshlig'i ta'kidlab o'tganidek “Ushbu sovrinlar bizning hamkor-banklarimizni rivojlanayotgan davlatlar ichida savdoni rivojlantirishga qo'shgan hissasini tan olishga imkoniyat beradi. Bizning hamkorlikdagi ishlarimizning natijasida soxalar rivojlanmoqda va yangi ish o'rinlar yaratilib kelmoqda”.
Taqdirlash marosimiga ko'ra “Hamkorbank” ATB “Osiyo taraqqiyot bankining O'zbekistondagi etakchi bank-hamkori” deb tan olindi.
Ta'kidlab o'tish lozimki, ushbu loyixa bo'yicha 2009 yildan buyon TFP 6 000dan ziyod kichik va o'rta biznes sub'eklarini umumiy miqdorda 20 mlrd.AQSh dollaridan ortiq mablag' hisobiga 10 000 ortiq amaliyotlarida qo'llab quvvatladi.
“Hamkorbank” va OTB hamkorligi 2010 yildan boshlangan bo'lib. Ushbu vaqt davomida hamkorlar tomonidan mikromoliyalashtirishni qo'llab-quvvatlashga, kichik biznes va tadbirkorlikni rivojlantirishga hamda savdoni moliyalashtirishga yo'naltirilgan qo'plab loyihalar amalga oshirildi. Xozirgi vaqtda “Hamkorbank” ATBda Osiyo taraqqiyot bankining “Mikro va kichik moliyalashtirishni rivojlantirish” loyihasi doirasidagi turli xalqaro kredit liniyalari mavjud.