Rasmiy munosabat
14 / 04 / 2020 Hurmatli mijozlar!
Ijtimoiy tarmoqlardagi kanallarni birida “Marg’ilon shahrida karantin qoydalariga amal qilinmayapti, Hamkorbank oldida odamlar to‘planib, masofa saqlamagan holda pulga navbat turishmoqda” kabi ma’lumotlar tarqaldi.
Sizga shuni ma’lum qilamizki, “Hamkorbank” ATBda O‘zbekiston Respublikasi Markaziy bankining 2020 yil 24 mart kunidagi №10-28-187-sonli ko‘rsatma xatiga asosan aholidan qabul qilingan naqd pul mablag‘lar 7 kun davomida karantinda saqlangandan so‘ng muomilaga chiqarilmoqda. Undan tashqari, karonavirus pandemiyasi sababli e’lon qilingan karantin tufayli filial xodimlarining 50 %dan ortiq qismi mehnat ta’tildaligiga qaramasdan, aholiga xalqaro pul o‘kazmalari, valyuta ayirboshlash amaliyotlari, plastik karta xizmatlari va 24/7 shahobchalari uzluksiz, bank ish rejimiga asosan taqdim etib kelinmoqda.
Shuni ta’kidlash kerakki, filialda aholiga xizmat ko‘rsatish davomida sanitariya va gigiyena qoidalariga to‘laqonli rioya qilinmoqda hamda tashrif buyurgan mijozlarga ijtimoiy masofa saqlash bo‘yicha tushintirish ishlari amalga oshirilmoqda.