"Tadbirkor ayollar bilan hamkorlik istiqbollari" mavzusida seminar o'tkazildi
15 / 10 / 2018Samarqand va Urganch shaharlarida "Tadbirkor ayollar bilan hamkorlik istiqbollari" mavzusida seminar o'tkazildi. Seminar O'zbekiston Xotin-qizlar qo'mitasi va O'zbekiston tadbirkor ayollar Assotsiatsiyasi bilan hamkorlikda tashkil etilgan.⠀
Tadbirkor ayollar faoliyati iqtisodiy taraqqiyotda muhim rol o'ynab, yangi ish o'rinlari yaratish va iqtisodiyot o'sish suratlariga ta'sir etadi. Seminardan ko'zlangan maqsad - ayollarning tadbirkorlik faoliyatini o'rganishi va uni tashkil etishiga ko'maklashish.⠀
Seminar-trening qatnashchilari quyidagi mavzularda yangi bilimlarga ega bo'lishdi:
"Biznes boshqaruvining huquqiy aspektlari: qonunchilik va imtiyozlar", "Soliq tizimida kichik biznes uchun ustunlik va preferentsiyalar", "Tadbirkor ayollar biznesining o'ziga xosligi", "Bank mahsulotlari va xizmatlari: ularning o'ziga xosligi hamda shartlari". Ekspertlar ishtirokchilarning savollariga batafsil javob berishdi.⠀
Tadbir yakunida tashkilotchilar qatnashchilarga faollik uchun tashakkur izhor etib, ayni yo'nalishdagi tadbirlar yana o'tkazilishini qo'shimcha qilishdi.