Hamkor ilovasida firibgarlikdan himoya
Hamkor mobil ilovasida qurilmangizdagi zararli dasturlarni aniqlashga yordam beruvchi antivirus moduli joriy etilgan bo‘lib, moliyaviy operatsiyalar xavfsizligini yanada oshiradi.
Moliyaviy firibgarlar ko‘pincha shaxsiy ma’lumotlarga kirish uchun zararli .apk-fayllardan foydalanadilar. Qo‘shimcha himoya darajasini yaratish maqsadida ilovada qurilmani shubhali dasturlarga tekshirish funksiyasi amalga oshirilgan.
Bu qanday ishlaydi?
Agar smartfoningizda potensial xavfli ilovalar aniqlansa, tizim ularni imkon qadar tezroq o‘chirish tavsiyasi bilan avtomatik ravishda xabar yuboradi.
Iltimos, ilovadan keladigan xabarlarni e’tiborsiz qoldirmang.
Raqamli gigiyena qoidalariga rioya qiling:
- Shubhali havolalarga o‘tmang;
- Noma’lum .apk-fayllarni o‘rnatmang;
- Xavfsizlik bo‘yicha xabarlarga diqqat bilan yondashing.
Hamkorbank sizning moliyangizni 24/7 himoya qiladi.
