Aldov yo‘li bilan mijozlar mablag‘larini o‘zlashtirishning yana bir usuli paydo bo‘ldi — firibgar-brokerlarning xizmatlari!
12 / 01 / 2021Xorijiy brokerlik platformalarining vakillari sarmoya kiritish orqali qo‘shimcha daromad olish uchun tahliliy xizmatlarni taklif qilishmoqda. Bunday mazmundagi taklif va reklamalar ijtimoiy tarmoq va messenjerlarda ko‘p uchraydi.⠀
Ko‘p hollarda firibgarlar Forex bozorida savdo qilish imkonini beruvchi platformalardan foydalanishni taklif etishadi. Ishlab topilgan mablag‘larni brokerlik platformasidan chiqarib olish kerak bo‘lganida esa ularga jo‘natgan murojaat va xatlaringizga javob berishmaydi. Natijada mablag‘laringiz firibgarlarda qolib ketadi.
⠀
Faqatgina lizentsiyaga ega va tekshiruvdan o‘tgan brokerlik kompaniyalari xizmatlaridan foydalaning. Mazkur kompaniyalar faoliyatini o‘rganib chiqing va ular haqida qoldirilgan fikrlar bilan tanishing.
⠀
Ogoh bo‘ling, firibgarlarning navbatdagi qurboniga aylanib qolmang.