Energiya samaradorligi - korxona istiqboli
02 / 04 / 2021“Hamkorbank” ATB Xalqaro tiklanish va taraqqiyot banki bilan hamkorlikda “Sanoat korxonalarining energiya samaradorligini oshirish” loyihasi doirasida davlat kafolati ostida 25 mln. AQSh dollari miqdoridagi shartnomani imzolagan. Ushbu loyixa doirasida 4 nafar mijozning energiya samaradorligini oshirishga qaratilgan loyihalari uchun 5,8 mln AQSh dollari miqdorida kreditlar mablag‘lari ajratilgan.Kredit mablag‘larining ushbu tarmoqqa yo‘naltirilishi natijasida 20,0 foiz miqdorida energiya tejalishiga erishildi. Ushbu muhim yirik loyihalarning amaliyotga joriy etilishi 100 dan ortiq yangi ish o‘rinlarining yaratilishiga xizmat qildi. Har ikki tomonning shartnoma majburiyatlarini o‘z vaqtida sifatli bajarishi hisobiga e’tiborga molik natijalarga erishildi.
Bugungi kunda “Sanoat korxonalarining energiya samaradorligini oshirish” loyihasi hisobidan ajratilgan kreditlar mijozlar tomonidan belgilangan jadval asosida qaytarilgan. Muddati o‘tgan kredit qarzdorliklar mavjud emas.