"Hamkorbank" ATB mutaxassislari "Global Money Week" loyihasi doirasida Andijon davlat chet tillari instituti talabalari bilan seminar o‘tkazdilar

14 / 03 / 2024Joriy yilning 13-mart sanasida "Hamkorbank" ATB korporativ o‘quv markazi rahbari tomonidan "Global Money Week" loyihasi doirasida "Raqamli etiket" mavzusida Andijon davlat chet tillari instituti talabalari ishtirokidagi seminar bo‘lib o‘tdi. Seminarda tinglovchilar e'tiboriga raqamli etiket hamda raqamli biznes etika qoidalari bo‘yicha interaktiv ma'ruza taqdim etildi.

Bizning vazifamiz — Bugungi rivojlanib borayotgan davrda internet tarmog‘idan foydalanishni qulay hamda xavfsiz qiluvchi qoida va maslahatlarni yoshlar bilan bo‘lishishdan iborat. Shu sababdan bankimiz fuqarolarimiz moliyaviy savodxonligini oshirish va raqamli texnologiyalardan foydalanishda mijozlariga ko‘maklashishga hamisha tayyor.