Ikkita xalqaro standart qo‘llanishga tayyor

Korrupsiya — taraqqiyotning asosiy kushandasi. Bugun jamiyatning har bir sohasida korrutsiyaga nisbatan murosasizlik tamoyili shakllantirilmoqda. Jumladan, bank tizimida ham.

Chet el kapitali ishtirokidagi “Hamkorbank” aksiyadorlik tijorat banki “Korrupsiyaga qarshi kurashish menejmenti tizimi” — ISO 37001:2016 va “Komplayens boshqarish tizimi” — ISO 37301:2021 xalqaro standartlari bo‘yicha muvofiqlik sertifikatlarini qo‘lga kiritdi. Bankda mazkur tizimni joriy etish bo‘yicha “ Nika-Certification” kompaniyasi ekspertlari tomonidan o‘tkazilgan sertifikatsiyalash auditi muvaffaqiyatli yakunlandi.

Audit natijasiga ko‘ra, “Hamkorbank”ning “Korrupsiyaga qarshi kurashish menejment tizimi” hamda “Komplayens boshqarish tizimi” xalqaro standart talablarini qo‘llashga muvofiqligi tasdiqlandi.