27 -28 mart kunlari Guliston va Jizzax shaharlarida "Tadbirkor ayollar bilan hamkorlik istiqbollari" mavzusida seminar o'tkazildi

01 / 04 / 2019Seminar O'zbekiston Xotin-qizlar qo'mitasi va O'zbekiston tadbirkor ayollar Assosiatsiyasi bilan hamkorlikda tashkil etildi.

Tadbirkor ayollar faoliyati mamlakatimizning iqtisodiy taraqqiyotida muhim rol o'ynab, yangi ish o'rinlari yaratish va iqtisodiy o'sish suratlariga ta"sir etadi. Seminardan ko'zlangan maqsad - ayollarning tadbirkorlik faoliyatini o'rganish va uni tashkil etishga ko'maklashishdan iboratdir.

Seminar-trening qatnashchilari quyidagi mavzularda yangi bilimlarga ega bo'lishdi:
"Biznes boshqaruvining huquqiy aspektlari: qonunchilik va imtiyozlar", "Soliq tizimida kichik biznes uchun ustunlik va preferensiyalar", "Tadbirkor ayollar biznesining o'ziga hosligi", "Bank mahsulotlari va xizmatlari: ularning o'ziga xosligi hamda shartlari". Ekspertlar ishtirokchilarning savollariga batafsil javob berishdi.

Tadbir yakunida tashkilotchilar qatnashchilarga faollik uchun tashakkur izhor etib, ayni yo'nalishdagi tadbirlar yana o'tkazilishini qo'shimcha qilishdi.