Yevropa Tiklanish va Taraqqiyot Banki "Savdoni moliyalashtirish" loyihasi bo‘yicha maslahatchisi «Hamkorbank» ATBga tashrif buyurdi

25 / 09 / 2019Bank sohasida 35 yildan ortiq tajribaga ega bo‘lgan «Savdoni rivojlantirish dasturi» bo‘yicha YeTTB xalqaro maslahatchisi Igor Rusin «Hamkorbank» ATBga savdoni moliyalashtirishni rivojlantirish bo‘yicha texnik yordam ko‘rsatish va ko‘maklashish maqsadida tashrif buyudi. 

Tashrif davomida Igor Rusin mamlakat iqtisodiyotini rivojlantirish jarayonida savdoni moliyalashtirish dasturini o‘rni, arzon moliyalashtirish manbalarini jalb etish, mamlakatga pul oqimlarini ko‘paytirish va xorijiy hamkorlar bilan ishonchli munosabatlarni mustahkamlash imkonini yaratish kabi mavzularda maslahatlar berdi.

Bugungi kunda «Hamkorbank» ATBning savdoni moliyalashtirish dasturi bo‘yicha xizmatlari mijozlar eksport-import faoliyatini moliyalashtirishda eng samarali xizmatlardan hisoblanadi. Shu bilan birga dokumentar amaliyotlar va savdo moliyalashtirish vositalarining ilg‘or usullari bank mijozlariga tavakkalchiliklarni minimallashtirish va ishlab chiqarish aylanmasini oshirish imkonini beradi.