Rasmiy munosabat

14 / 08 / 2024Joriy yilning 13-avgust kuni ijtimoiy tarmoqdagi Telegram kanallarining birida Hamkorbankka tegishli Hamkor mobil ilovasida HUMO kartasini bepul rasmiylashtirilishi, shunday kartani bank ofisi orqali rasmiylashtirish pulli ekanligi haqida tarqalgan xabar yuzasidan.

Hamkor mobil ilovamizda HUMO kartasini rasmiylashtirish mutlaqo bepul, shuningdek, kartani yetkazib berish ham bepul amalga oshiriladi. Ushbu imkoniyat mijozlarimizni mobil ilovamizdagi masofaviy bank xizmatlarimizdan ko'proq foydalanishlari hamda mijozlarimizga qulaylik yaratish uchun amalga oshirilgan. 

"Hamkorbank" ATB Jismoniy shaxslarga xizmat ko'rsatish Bosh tarifida HUMO kartasini bank ofislari orqali rasmiylashtirish narxi — 10 000 so'm etib belgilangan. Bunda mijozlarimiz onlayn bank xizmatlaridan foydalanishini qo'llab-quvvatlash hamda ularga zamonaviy moliyaviy yechimlarni taklif etish uchun HUMO kartasini rasmiylashtirish — bepul.

Hamkorbank onlayn xizmatlaridan foydalaning va qo'shimcha qulayliklarga ega bo'ling!