Rasmiy munosabat

21 / 08 / 2024Joriy yilning 20-avgust kuni ijtimoiy tarmoqdagi Telegram kanallarining birida Hamkorbankda tadbirkor B.G.B.ga kredit ajratilmaganligi haqida tarqalgan xabar yuzasidan.

"Hamkorbank" ATB va "Tadbirkorlikni rivojlantirish kompaniyasi" AJ o'rtasida imzolangan kelishuvga asosan "Tadbirkorlikni rivojlantirish kompaniyasi" AJ "Hamkorbank" ATBga tadbirkorlikni rivojlantirish uchun kredit ajratish hamda tadbirkorlarning istiqbolli loyihalarini moliyalashtirish uchun resurslar ajratilgan. 

Olib borilgan ichki surishtiruv natijalariga ko'ra, ushbu kreditni olish uchun tadbirkor B.G.B. 1-avgust sanasida rasmiy veb-sayt orqali ariza qoldirgan va mijoz bilan bankdan mutaxassis-operator bog'langan, muloqot davomida mijoz va operator orasida tushunmovchilik yuzaga kelgan, sababi operator mijozga ushbu kreditning barcha shartlari haqida yetarlicha batafsil ma'lumot bermagan. Operatorga tegishli ravishda ogohlantirish berilganini ham ma'lum qilamiz. 

Hozirda mijoz bilan bog'lanildi va mijozga vaziyat haqida ma'lumot berildi. Shuningdek, mijozga  ushbu kreditning ajratilish shartlari haqida mutaxassislar tomonidan ma'lumot berilib, agarda mijozning mavjud biznesi ushbu kreditni ajratish talablariga mos kelsa, mijozga zarur kredit miqdori ajratilishi ham mumkin.

Hamkorbank tadbirkorlik subyektlarini qo'llab-quvvatlashda davom etadi.