UnionPay va Hamkorbank O‘zbekistonda kartalar emissiyasini rivojlantirish bo‘yicha hamkorlik shartnomasini imzoladi

Toshkent, 2024-yil 29-noyabr - UnionPay International kompaniyasi va "Hamkorbank" ATB O‘zbekistonda UnionPay to‘lov tizimining bank kartalari emissiyasini rivojlantirishga qaratilgan strategik hamkorlik shartnomasi tuzilganini e’lon qildi.

Muzokaralar chog‘ida hamkorlar hamkorlikdagi rejalarning asosiy jihatlarini, jumladan, UnionPay kartalar qatorini kengaytirish, zamonaviy to‘lov yechimlarini joriy etish va Hamkorbank mijozlari uchun bank xizmatlaridan foydalanish imkoniyatlarini oshirish masalalarini muhokama qildilar. Chakana va korporativ mijozlarning ehtiyojlarini qondirishga yordam beradigan yangi mahsulot va texnologiyalarni ishlab chiqishga alohida e’tibor qaratilmoqda.

Uchrashuv yakunida UnionPay va Hamkorbank o‘rtasidagi uzoq muddatli sheriklik munosabatlarini mustahkamlovchi hamkorlik shartnomasi imzolandi. Ushbu qadam innovatsion moliyaviy mahsulotlarni ishga tushirish va O‘zbekistonda moliya sektorini raqamlashtirishga faol ko‘maklashish uchun yangi istiqbollarni ochadi.

“UnionPay bilan shartnoma imzolanishi Hamkorbank rivoji yo‘lidagi muhim qadam hisoblanadi. Biz mijozlarimizga sifatli va ommabop moliyaviy xizmatlarni taqdim etish uchun eng yaxshi jahon amaliyoti va texnologiyalarini joriy qilishga intilamiz", - deya ta’kidladi Hamkorbank departamenti direktori v.v.b Jasur Jo‘rayev.

UnionPay va Hamkorbank o‘rtasidagi hamkorlik tomonlarning O‘zbekiston moliyaviy ekotizimini rivojlantirishda faol ishtirok etishga intilishini ta’kidlaydi. Kompaniyalar bank xizmatlarini raqamlashtirish va keng auditoriya uchun qulayligini oshirishga yordam beradigan zamonaviy yechimlarni yaratishga qaratilgan.