Ijtimoiy mas’uliyat va jamoatchilikka ko‘maklashish

2026 yil 17 mart kuni Markaziy bank tashabbusi bilan “We Finance Code” dasturi doirasida tijorat banklari ishtirokida navbatdagi o‘quv yig‘ini tashkil etildi. Ushbu tadbir moliya sohasida gender tengligini ta’minlash, ayollar tadbirkorligini qo‘llab-quvvatlash hamda moliyaviy xizmatlardan foydalanish imkoniyatlarini kengaytirishga qaratilgani bilan ahamiyatlidir.

O‘quv yig‘inida ishtirokchilarga “We Finance Code” tashabbusining asosiy maqsad va vazifalari, xalqaro tajriba hamda uni amaliyotga joriy etish mexanizmlari haqida batafsil ma’lumotlar taqdim etildi.

“We Finance Code” dasturi doirasida tashkil etilayotgan mazkur tashabbus kelgusida ham izchil davom ettirilib, ayol tadbirkorlar uchun moliyaviy xizmatlardan foydalanish imkoniyatlarini yanada kengaytirish va barqaror iqtisodiy rivojlanishga hissa qo‘shishi asosiy maqsad etib belgilangan.

“Hamkorbank” ATB Ekologik, ijtimoiy va korporativ boshqaruv masalalari (ESG) boʻlimi va Mikro kichik va oʻrta biznes departamenti bilan birgalikda shu yilning 16-dekabr kuni soat 14:00 da Xorazm viloyati Urganch shahridagi “Hamkor biznes” markazi konferensiyalar zalida YETTB hamda Hamkorbank ATB tomonidan Markaziy Osiyoda tadbirkor ayollar dasturi “Women in biznes” va Yashil moliya “GEFF” loyihasiga asosan “Ayol tadbirkorlar uchun moliyaviy va nomoliyaviy xizmatlar” mavzusida navbatdagi seminar tashkil etildi.

Seminarda Yevropa tiklanish va taraqqiyot banki, Germaniyaning xalqaro hamkorlik boʻyicha Sparkassenstiftung konsalting kompaniyasi, IPC - Internationale Projekt Consult GmbH konsalting kompaniyasi, “Hamkorbank” ATB jamoasi hamda 60 ga yaqin tadbirkor ayol mijozlar ishtirok etishdi.

Tadbirni “Hamkorbank” ATB Xorazm mintaqaviy BXO boshqaruvchisi Atadjanov Azamat Shavkatovich ochib, tadbirning ahamiyati hamda bank va mijozlar oʻrtasidagi munosabatlar toʻgʻrisida soʻz yuritdi.

Tadbirni trening qismini “Yashil moliya” GEFF dasturi gender eksperti Mavzuna Yaminova boshlab berdi hamda tadbir ishtirokchilariga Yashil moliyalashtirishning avfzalliklari toʻgʻrisida batafsil tushunchalar va maʼlumotlar taqdim qildi.

Islomiy bank mahsulotlarini sotish guruhi bosh mutaxassisi Isayev Alisher Usmonovich “Islomiy bank mahsulotlari” dasturi taqdimotini oʻtkazdi. Tadbirkor ayollar tomonidan bu mavzuga katta eʼtibor va qiziqish bildirildi.

YETTBning Oʻzbekistondagi kichik biznes boʻyicha maslahat dasturining katta tahlilchisi Nazira Dadaxonova mehmonlarni “YETTB nomoliyaviy xizmatlari” bilan tanishtirdi.

Ekspertlar va tadbirkor ayol mijozlar bank tomonidan tashkil etilgan kofe breyk davomida qizgʻin suhbat qurdilar.

Mahsulot ishlab chiqish va sotish boʻlimi mutaxassisi Maxmudov Bekzodxoʻja Esonxoʻja oʻgʻli tomonidan “Hamkorbank kredit mahsulotlari” mavzusida gapirib, Ayol tadbirkorlarga yaratilayotgan imkoniyat va imtiyozlar toʻgʻrisida tushunchalar berdi.

“Hamkorbank” ATB Biznes treneri Rustam Sagdullayev “Mijoz eshigini ochuvchi 6 kalit yohud savdoni rivojlantirish” nomidagi mahorat darsi orqali mehmonlarga juda foydali maʼlumotlar berdi.

Shundan soʻng barcha ishtirokchilar ekspertlarga savollar bilan murojaat etib oʻzlariga kerakli maʼlumot va bilimlarni olishga harakat qilishdi. “Hamkorbank” ATB tomonidan seminar qatnashchilariga maxsus sertifikatlar topshirildi.

Joriy yilning 8 noyabr kuni Hamkorbank ATB Ekologik ijtimoiy korporativ boshqaruv masalalarini muvofiqlashtirish bo‘limi tashabbusi bilan Respublika qon quyish markazi mutaxassislari hamkorligida Bosh bank binosida hamda bankning respublika bo‘ylab faoliyat yuritayotgan tarmoqlarida donorlik aksiyasi o‘tkazildi. Ushbu tashabbus bank tizimida ijtimoiy mas’uliyatni kuchaytirish, jamiyatga foyda keltirish va hayot saqlash jarayoniga hissa qo‘shishni maqsad qildi.

Aksiya davomida xodimlar tibbiy ko‘rikdan o‘tib, qon topshirish jarayonida faol ishtirok etdilar. Ayniqsa, Bosh bank jamoasi va “Yuksalish” UBXO xodimlari donorlik aksiyasida eng yuqori faollikni namoyon qildi. Ularning tashabbuskorligi natijasida aksiyada ishtirokchilar soni sezilarli darajada oshdi va qon zaxiralari to‘ldirishga munosib hissa qo‘shildi.

Shuningdek, Toshkent Xorazm va Namangan MBXO jamoalari ham aksiyani faol qo‘llab-quvvatlab, umumiy tashabbusning muvaffaqiyatli amalga oshishiga o‘z hissasini qo‘shdi.

Tadbir davomida Respublika qon quyish markazi mutaxassislari tomonidan donorlikning sog‘liq uchun foydalari, uning jamiyatdagi ahamiyati hamda inson hayotini saqlab qolishdagi ro`li haqida batafsil ma’lumotlar berildi.

Ushbu donorlik aksiyasi bank tizimining ekologik va ijtimoiy mas’uliyatni oshirishga doir strategik yondashuvini, shuningdek, insonparvarlik va birdamlik kabi korporativ qadriyatlarga sodiqligini yana bir bor namoyon etdi.

"Hamkorbank" ATB tomonidan qabul qilingan barqaror rivojlanish va ijtimoiy mas`uliyatni yuksaltirishga qaratilgan ESG strategiyasi doirasida amalga oshirilgan ushbu loyiha maqsadi — qon donorligini ommalashtirish va bank xodimlari o‘rtasida doimiy ijtimoiy tadbirlarni tashkil etishga qaratilgan. Aytish joizki, ancha yillardan buyon Hamkorbank ichki donorlik tadbirlarini o‘tkazib, ixtiyoriy donorlik madaniyatini rivojlantirish va mamlakat tibbiy muassasalarini hayotiy ahamiyatga ega qon zahiralari bilan ta’minlashga hissasini qo‘shib kelmoqda.

Ushbu marosimda "Hamkorbank " ATB Boshqaruv raisi B.Joʻrayev va Qon quyish markazi direktori A.Saidov ishtirok etib, bank sektori va sog‘liqni saqlash tizimi sa’y-harakatlarini jamlashning jamiyat manfaati yo‘lida qay darajada muhim ekanligini ta’kidladilar.

Shuningdek, hamkorlik orqali ijtimoiy ahamiyatga ega tashabbuslar rivojlanishi va jamiyatda o‘zaro yordam madaniyati mustahkamlanishi e`tirof etildi.

Batafsil video reportajni quyidagi havola orqali ko'rishingiz mumkin.

“Hamkorbank” ATB tomonidan qabul qilingan barqaror rivojlanish va ijtimoiy mas’uliyatga qaratilgan ESG strategiyasi doirasida yana bir “Hamkorbank” bilan muvaffaqiyatga erishgan navbatdagi mijozimiz haqida turkum maqolani e’lon qilamiz

Nuralieva Nilufarxon Bohodirovna taʼlim sohasida faoliyat boshlagan, hozirda esa Andijondagi “English Life” xususiy maktabiga hamda 8 ta ingliz tili oʻquv markaziga rahbarlik qilayotgan muvaffaqiyatli tadbirkor va rahbar ayoldir. Ilmiy-pedagogik tajriba va biznes yuritishdagi qatʼiyat uni mintaqada taʼlim xizmatlari sifati va imkoniyatlarini oshirishga qaratilgan samarali tashabbuskor sifatida tanitdi. Hozirgi kunda chet tilini o’rganishga ahamiyat katta. Ushbu tadbirkor bank bilan 10 yildan ortiq muddatdan buyon birga ishlab kelmoqda. Biznes boshida 4 ta xonani ijaraga olib o’z biznesimizni boshladik , “Hamkorbank” ATBning ko’magi va bizga bildirgan ishonchi bilan hozirgi darajaga yetdik deydi suhbat davomida.

Biznes egasi Nuraliyeva Nilufar Andijon chet tillari institutini tamomlagach, Andijon shahridagi o’quv markazda faoliyatini boshlagan va keyinchalik o’zida ham o’quv markazi tashkil qilish g’oyasi paydo bo’lgan. Ota-onasining moddiy ko’magi bilan bino ijaraga olib faolyaitini boshlaydi va ta’lim muassasasi dastlab 08.01.2015-yilda ro’yhatdan o’tkazadi. Dastlab 2015-yilda 3 qavatli binoni qavatidan 4 ta xonasini ijaraga olib faoliyatini boshlagan. So’ngra o’quvchilar soni ortishi sababli, 2016-yilda 4 qavatli binoni 2-3-4 qavatlarini ijaraga olib faoliyatini kengaytirgan. Yillar davomida o’z o’quvchilariga bergan ta’lim sifati va ular erishgan yutuqlar evaziga Nilufarxon Bohodirovna o’z brendini yaratadi va 2019-yilda yana bir qo’shimcha o’quv markazi ochadi. Tinimsiz izlanishlar va mehnati bilan tadbirkor xozirgi kunda 8 dona o’quv markazi tashkil etadi va 5 000 dan ortiq o’quvchilarni jalb qiladi. O’quv markazlari mahalliy yoshlar va kattalarga yuqori sifatli til kurslarini taqdim etadi, imtihonlarga tayyorlash, muloqot amaliyotlari va professional yoʻnalishlar uchun maxsus dasturlarni ishga tushurilgan. Bundan tashqari 2022-yilda o’ziga yangi bino sotib olib unda xususiy maktab tashkil qilgan xozirda ushbu maktabda 350 dan ortiq o’quvchi tahsil olmoqda. 2024-yilda mijoz Andijon viloyatining Xo’jaobod tumanida ham o’zining maktabini hamkori (Samo brendi) bilan birgalikda ochadi.

Aslida taʼlimning o’rta ta’lim sohasidan Nuraliyeva Nilufarxon Bohodirovna oʻqituvchilik ish faoliyatini boshlab, dars berish va maktab yoshidagi avlodni tarbiyalash jarayonida toʻplangan amaliy tajribani boshqaruv va tashkilotchilik qobiliyatlari bilan uyg’unlashtirdi. U pedagogik tamoyillarni biznes boshqaruvi bilan bo’g’lab, oʻquvchilarning bilim olish jarayonini yanada samarali qilishga intildi. O’z biznesini yanada rivojlantirish maqsadida doimiy izlanishlarni olib bordi.

Andijonda nufuzli bo’lgan “English Life” xususiy maktabi va oʻquv markazlari Nilufarxonning rahbarligida tashkil etilgan “English Life” xususiy maktabi ingliz tilini chuqur oʻrgatish, zamonaviy taʼlim metodlarini joriy etish va taʼlim muhitini doimiy ravishda takomillashtirishga yoʻnaltirilgan.

Taʼlim sifatini va uning jamiyatga taʼsirini oshirish uchun Nilufarxon Bohodirovna nazoratidagi muassasalar ingliz tilini nafaqat akademik jihatdan, balki amaliy hayotga mos ravishda oʻrgatishga katta eʼtibor qaratadi. Nilufarxon Bohodirovnaning g’oyasiga asosan “Hamkorbank” ko’magi bilan ochilgan yangi o’quv markazida “Coworking” xonasi tashkil qilingan bo’lib o’zgacha ruh va dizaynda barpo etilgan keng va yorug’ xonada o’quvchilar bo’sh vaqtlarini maroqli o’kazishmoqda. Bu yondashuv yoshlarga xalqaro muloqot va kasbiy imkoniyatlarni kengaytirish, mahalliy mehnat bozorida raqobatbardosh boʻlish imkonini beradi. Shu tariqa, uning faoliyati nafaqat shaxsiy biznes, balki jamiyat taraqqiyotiga ham ijobiy hissa qoʻshmoqda. Har bir o’quv xonasi alohida kreativ tarzda o’zigacha ruhda ta’mirlangan va jihozlangan bo’lib, dars xonalari o’qituvchi va o’quvchilar uchun qulay elektron o’quv doskasi va boshqa zamonaviy uskunalarlar bilan jihozlangan.

“Hamkorbank tomonidan berilgan kreditlar bizning korxonamizni modernizatsiya qilish, yangi texnologiyalar joriy etish imkonini berdi. Yangi uskunalar yordamida biz turli murakkablikdagi ishlab chiqarish jarayonlarini samarali tashkil etishga muvaffaq bo‘ldik. Hozirda 350 nafar ishchini ish bilan ta`minlaganmiz”.

Biznesda juda muhim bo’lgan tashabbuskorlik, tashkilotchilik va yangilikka intilish kabi qobiliyatlar Nuraliyeva Nilufarxon Bohodirovnada yaqqol namoyon bo’lib turadi. U pedagogik standartlarni saqlab qolgan holda, yangi texnologiyalar va zamonaviy oʻqitish usullarini joriy etish orqali oʻquv jarayonini doimiy yangilab boradi. Tadbirkorning ustuvor maqsadlaridan biri nafaqat har bir o’quvchiga balki, – har bir oʻqituvchiga individual yondashuvni taʼminlash va sifatli taʼlim imkoniyatlarini kengaytirishdir.

Pandemiya davrida tadbirkor yana bir faoliyatga qo’l urdi. Qisqa vaqt ichida somsaxona biznesini tashkil etib somsa xamirlarini tayyor holda va yarim tayyor holda sotish faoliyatini yo’lga qo’ydi. Xozirgi kunda ushbu tamaddixonalar “English Life” o’quv markazi 1 qavatida, “Andijonim” savdo markazi va “Tibbiyot diagnostika” binolari oldidagi mijozlarga xizmat ko’rsatmoqda.

Ota-onalar, o’quvchilar va o’qituvchi xodimlar tomonidan bildirilgan ishonchni oqlash va kelajakda todora rivojlanib butun Respublika miqyosidagi sifatli va nufuzli o’rta va oliy ta’lim o’quv dargohlarini ochish va rivojlantirishni maqsad qilgan mijozimiz, bank bilan kelgusida yanada katta maqsadlar sari intilishni rejalashtirmoqda.

Loyiha Ekologik, ijtimoiy va korporativ boshqaruv masalalarini muvofiqlashtirish boʻlimi tashabbusi asosida amalga oshirildi.

O‘zbekistonda oilaviy tadbirkorlik jamiyat taraqqiyotining muhim omillaridan biri. Bugungi maqolamiz qahramonlari — Hoji ota va Hoji ona boshlab bergan, farzandlari davom ettirgan va bugun butun bir korporativ oilaga aylangan bizneslar majmuasi.

“Hamkorbank” ATB tomonidan barqaror rivojlanish va ijtimoiy mas’uliyatga qaratilgan ESG strategiyasi qabul qilingan bo‘lib, ESG bo‘limining tashabbusi o‘laroq, ushbu strategiya doirasida biz muvaffaqiyatga erishgan mijozlarimiz haqida turkum maqolalarni e’lon qilishni davom ettiramiz.

Navbatdagi qahramonimiz — Qo‘qon shahridan, farmasevtlik kasbidan boshlab, bugun butun bir oilaviy biznes tarmog‘ini shakllantirgan Mohidil opa va uning oilasi. Uzoq yillardan buyon bankimiz hamkori hisoblangan mijozimiz-bankning kredit mahsulotlaridan unumi foydalangan holda biznesda muvaffaqiyatga erishib, faoliyatini yangi yo‘nalishlarda kengaytirib bormoqda. Ta’kidlash joizki, Mohidil opa Nazirova erishgan yutuqlar nafaqat ilhomlantiradi, balki birgalikdagi sa’y-harakatlar qanday qilib muhim natijalarga olib kelishini ham yaqqol isbotlab berishi, turgan gap.

“Biznesga qadam qo‘yish oson bo‘lmadi”

“Bizning oilamizda ham boshida savol, ikkilanishlar ko‘p edi, lekin onam bizga motivatsiya berib, avvalo boshlab olishga undagan, — deydi Mohidil opa tabassum bilan. — Asl kasbi injener bo‘lgan otam va tikuvchilik bilan shug‘ullangan onam bundan 20 yil avval quruq mevalarni qadoqlash uchun zarur turli o‘lchamdagi qutilar ishlab chiqaruvchi “EURO PRINT KOKAND” korxonasini yo‘lga qo‘yishdi. U vaqtda bu ishga katta jasorat kerak edi. Ammo vaqt ko‘rsatdiki, to‘g‘ri qaror qabul qilingan ekan”.

Mohidil opaning aytishicha, oiladagi farzandlar ham ota-onaning boshlab bergan yo‘lini davom ettirishgan:

• 15 yil avval farmasevtika mutaxassisligi asosida “EURO MED DIAGNOSTIC” diagnostika markazi ochilgan, hozirda hoji ona boshchiligida markaz ko‘plab yurtdoshlarimizga sifatli xizmat ko‘rsatib kelmoqda;
• 6 yil oldin esa Qo‘qonda “ASMALD HOTEL” ish boshlagan, bugun ushbu shahardagi ko‘zga ko‘ringan birinchi raqamli mehmonxonaga aylanib ulgurdi;
• Yaqinda Toshkentda yana bir mehmonxona ochish tashabbusi yo‘lga ilgari surilmoqda;

“Albatta, bu loyihalarning hech biri oson kechmadi. Lekin Hamkorbank krediti yordamida orzularimizni amalga oshira oldik. 2005-yilda bor-yo‘g‘i 3 ishchi bilan ish boshlagandik, bugun esa faoliyatimiz 350 nafardan ortiq insonni ish bilan ta’minlab turibdi”, — deya qo‘shimcha qiladi Mohidil opa.

Ishlab chiqarishdan turizm va qishloq xo‘jaligigacha

Bugun bu oilaning faoliyati bir necha yo‘nalishni qamrab olgan:

• “QO‘QON LOYIHA-QURILISH” MCHJ – qurilish loyihalash va xizmat ko‘rsatish,
• “ASMALD HOTEL” MCHJ – mehmonxona faoliyati,
• “EURO PRINT KOKAND” MCHJ – qadoqlash mahsulotlari va bir martalik idishlar ishlab chiqarish,
• “EURO MED DIAGNOSTIC” MCHJ – diagnostika va laboratoriya tarmog‘i.

Shuningdek, “SWEET FRUIT GARDEN” FX fermer xo‘jaligi doirasida 3,5 gektar yerda gilos va o‘rik bog‘lari barpo etilgan.

“Bugungi kunda faqat ishlab chiqarish emas, balki turizm va qishloq xo‘jaligi yo‘nalishlari ham oilaviy biznesimizda muhim o‘rin egallamoqda. Masalan, “EURO PRINT KOKAND” korxonasida kuniga 100 ming dona qutilar ishlab chiqarilmoqda. Bularning barchasi Hamkorbank bilan samarali hamkorligimiz natijasi”, — deydi qahramonimiz faxr bilan.

Hamkorlikning boshlanishi

Tadbirkor oila ilk bor 2005 yilda Bankka murojaat qilib, mikrokredit olgan. Bu kredit ularning kichik ishlab chiqarish korxonasini yo‘lga qo‘yishida asosiy turtki bo‘ldi. O‘sha paytda kichik jamoa sifatida boshlangan faoliyat bugungi kunda yuzlab insonlarni ish bilan ta’minlaydigan darajaga yetdi.

“Hamkorbank tomonidan berilgan kreditlar bizning korxonamizni modernizatsiya qilish, yangi texnologiyalar joriy etish imkonini berdi. Yangi uskunalar yordamida biz turli murakkablikdagi ishlab chiqarish jarayonlarini samarali tashkil etishga muvaffaq bo‘ldik. Hozirda 350 nafar ishchini ish bilan ta`minlaganmiz”.

Ayollarning tadbirkorlikdagi o‘rni

Mohidil opaning fikricha, oilaviy biznesning yuksalishida ayollarning hissasi alohida ahamiyat kasb etadi: “Avvallari ko‘pchilik xotin-qizlarning biznes sohasida muvaffaqiyat qozonishiga shubha bilan qarardi. Ammo bugungi kunga kelib, jamiyatimizda ayollarning iqtisodiy taraqqiyotga qo‘shayotgan hissasi yaxshigina tan olinmoqda. Ularning tashabbuslari qo‘llab-quvvatlanmoqda va bu holat bizni yanada ilhomlantiradi”, — deya ta’kidlaydi u.

Kelajak rejalari

Oila nafaqat ichki bozorni, balki xalqaro bozorni ham ko‘zlamoqda. Toshkent shahrida yangi mehmonxona qurilishi boshlangan bo‘lib, bu nafaqat oilaning, balki butun mintaqaning turizm salohiyatini oshirishga xizmat qiladi. Shuningdek, yangi ish o‘rinlari yaratish, ishlab chiqarish quvvatlarini kengaytirish ham ustuvor maqsadlardan biri.

“Men prinsipial insonman. Tadbirkor sifatida ayta olamanki, hamkorlikda ishonch, qulay sharoitlar va moslashuvchanlik muhim ahamiyatga ega. Hamkorbank bilan yillar davomida shakllangan ishonchli munosabat bizning barqaror rivojlanishimizning asosiy omillaridan biridir”, — deydi Mohidil opa. Darhaqiqat, Hamkorbankning doimiy mijozi sifatida bu oila nafaqat moliyaviy o‘sishda, balki jamiyatda yangi imkoniyatlar yaratishda ham peshqadam. Oila bosh tayanchi Hoji ona va qizi Mohidil opa bugun o‘zbek ayollari uchun yorqin namunadir.

Ularning hikoyasi — bu mehnatsevarlik, sabr-toqat va to‘g‘ri tanlangan hamkorlik orqali orzularni ro‘yobga chiqarish mumkinligining yaqqol dalilidir. Oilaviy tadbirkorlik — bu nafaqat biznes, balki qadriyat. Ushbu ikki o‘zbek ayollarining tashabbusi, tadbirliligi, liderlik qobiliyatlari tufayli yuzaga kelgan bu loyihalar o‘zbek jamiyatidagi xotin-qizlar uchun ilhom manbai. Mehnatsevarlik, birlashgan kuch va to‘g‘ri hamkorlik — oilaviy biznesning barqaror rivojlanishiga asos bo‘ldi.

“Hamkorbank” ATB Ekologik ijtimoiy va korparativ boshqaruv masalalari bo‘limi va Mikro kichik va o‘rta biznes departamenti bilan birgalikda shu yilning 24-iyul kuni soat 14:00 da Farg‘ona shahridagi “Mehmon Saroy Grand” mehmonxonasi konfirentsiyalar zalida YeTTB hamda Hamkorbank ATB tomonidan Markaziy Osiyoda tadbirkor ayollar dasturi “Women in biznes” loyihasiga asosan “Moliyaviy savodxonlik va sotish sa’nati” mavzusida navbatdagi seminar tashkil etildi.

Seminarda Yevropa tiklanish va taraqqiyot banki, Germaniyaning xalqaro hamkorlik bo‘yicha Sparkassenstiftung konsalting kompaniyasi, IPC - Internationale Projekt Consult GmbH konsalting kompaniyasi, “Hamkorbank” ATB jamoasi hamda tadbirkor ayol mijozlar ishtirok etishdi.

Tadbirni “Hamkorbank” ATB Xotin-qizlar qo‘mitasi raisi Kasimova Moxinurxon Saidasrarovna ochib, bank va mijozlar o‘rtasidagi munosabatlar to‘g‘risida so‘z yuritdi.

Markaziy bank Farg‘ona viloyati bosh boshqarmasi rahbari Eshonqulov G‘offorjon Muxtorovich so‘zga chiqib tadbirkor ayollar uchun bankning ahamiyatini ta’kidladi.

Farg‘ona viloyati hokimining o‘rinbosari, oila va ayollar bilan ishlash bo‘limi mudiri Ortiqova Nodira Mamajonovna tadbirkor ayollarga davlat tomonidan berilayotgan e’tibor to‘g‘risida gapirib o‘tdi.

YeTTBning O‘zbekistondagi kichik biznes bo‘yicha maslahat dasturining katta tahlilchisi Nazira Dadaxonova mehmonlarni “ETTB kichik biznes uchun maslahat dasturi” bilan tanishtirdi.

Islomiy bank mahsulotlarini sotish guruhi bosh mutaxassisi Abdulaziz Jalilov Abduxamid o‘g‘li «Islomiy lizing» dasturi taqdimotini o‘tkazdi. Ayollar bu mavzuga katta e’tibor bilan qiziqish bildirishdi.

YeTTB ekspertlari va tadbirkor ayol mijozlar bank tomonidan tashkil etilgan kofe breyk davomida qizg‘in suhbat qurdilar.

Bank Korporativ o‘quv markazi bosh treneri Ergashev Azamat Zaropjonovich tomonidan «Sotish texnologiyasi» to‘g‘risida mahorat darsi o‘tkazildi. Mahorat darsida ayol tadbirkorlar faoliyatlari uchun kerakli ma’lumotlarni oldilar.

Mahsulot ishlab chiqish va sotish bo‘limi mutaxassisi Maxmudov Bekzodxo‘ja Esonxo‘ja o‘g‘li tomonidan “Hamkorbank Biznesingizga ishonchli hamroh” mavzusida bankning mahsulotlari to‘g‘risida Ayol tadbirkorlarga yaratilayotgan imkoniyat va imtiyozlar to‘g‘risida tushunchalar berdi.

Shundan so‘ng barcha ishtirokchilar ekspertlarga savollar bilan murojaat etib o‘zlariga kerakli ma’lumot va bilimlarni olishga harakat qilishdi. “Hamkorbank” ATB tomonidan seminar qatnashchilariga maxsus sertifikatlar topshirildi.

2025-yilning 8-iyul kuni Toshkent shahridagi “Crowne Plaza” mehmonxonasida Yevropa Tiklanish va Taraqqiyot Banki (YTTB) hamda GEFF Yashil moliya yo‘nalishi mutaxassislari tomonidan “Yashil moliyaga o‘tishda ayolning o‘rni” mavzusida davra suhbati tashkil etildi.

Mazkur tadbirda “Hamkorbank” ATB ESG bo‘limi xodimlari hamda Yakasaroy UBXO mijozlari, “Chagay plus” MChJ oilaviy korxonasi vakili Viktoriya Chagay ishtirok etdilar.

Tadbirni YTTBning O‘zbekistondagi vakolatxonasi direktori Andi Aranitasi kirish so‘zi bilan ochgach, yig‘ilganlarga GEFF tomonidan so‘nggi 3 oy davomida banklarda o‘tkazilgan gender bazaviy baholash natijalari taqdim etildi.

Shuningdek, davra suhbatida O‘zbekiston Respublikasi Oliy Majlisi Qonunchilik palatasi deputati, “Liberal-demokratik partiya” vakili Dilorom Fayziyeva ESG bo‘limi rahbari Avazbek Fazliyev, “Ipoteka bank” Barqaror rivojlanish boshqarmasi boshlig‘i Baxtiyor Abdusalomov, “Tadbirkor ayol” assotsiatsiyasi raisi o‘rinbosari Nigora Yakubova, “Chagay plus” MChJ vakili Viktoriya Chagay hamda O‘zbekiston Respublikasi Banklar assotsiatsiyasi vakili Tohir Babamurodov o‘z fikr-mulohazalari bilan o‘rtoqlashdi. Davra suhbati davomida ayol tadbirkorlar uchun yaratilayotgan sharoitlar, imtiyozlar hamda ular duch kelayotgan to‘siqlar, imkoniyatlar va amaliy tajribalar muhokama qilindi.

Ayniqsa, quyidagi: tadbirkor ayollar duch kelayotgan gender tengsizliklari va ularning yechimlari; iqlim o‘zgarishining ayollar hayotiga ta’siri – gender kontekstida; nima sababdan va qanday qilib banklar o‘z faoliyatida bu tengsizliklarni bartaraf etishi mumkin, kabi masalalar uchrashuvning muhim qismiga aylandi. Aytish joizki, gender tengligi - yashil moliya va iqlim muammolari kesishmasidagi dolzarb masalalarni muhokama qilishda muhim maydon bo‘lib xizmat qiladi.

Uchrashuv yakunida tadbir ishtirokchilari o‘z tajribalari bilan o‘rtoqlashib, yashil va inklyuziv moliyaviy tizim sari dadil qadamlar tashlash zarurligini ta’kidladilar.

Bugun gender masalalari jamiyat taraqqiyoti va ijtimoiy barqarorlikning ajralmas qismi bo‘lib, O‘zbekistonda olib borilayotgan keng qamrovli islohotlarda gender tengligiga alohida e’tibor qaratilmoqda. Bu yo‘nalish davlat siyosatining muhim ustuvor yo‘nalishlaridan biri hisoblanadi. Shu bilan birga, gender masalasini diniy ta’limotlar, xususan, islomiy qarashlar asosida o‘rganish zamonaviy axborot makonida diniy savodxonlikni oshirishning muhim vositasidir.

Hamkorbank xodimlarining kasbiy va shaxsiy rivojlanishini har tomonlama qo‘llab-quvvatlash bankning ustuvor yo‘nalishlaridan biridir. Ana shu doimiy e’tibor doirasida o‘tkazilayotgan navbatdagi korporativ trening “Islomda gender tushunchasi” mavzusiga bag‘ishlandi.

Mazkur mahorat mashg‘uloti diniy va ijtimoiy savodxonlikni oshirishga xizmat qiluvchi dolzarb va yangicha yondashuv bo‘ldi. Bank kasaba uyushmasi qo‘mitasi (BKUK) ko‘magida o‘tkazilgan ushbu tadbirda O‘zbekiston xalqaro islomshunoslik akademiyasi Ijtimoiy fanlar va huquq kafedrasi mudiri, falsafa fanlari doktori Yusupova Nigora Jaloliddin qizi ishtirok etib, spiker ishtirokchilarga gender atamasining ijtimoiy va dini ahamiyatini keng yoritib berdi. U genderga oid qarashlarni zamonaviy yondashuvlar hamda Qur’on oyatlari, hadisi shariflar va amaldagi huquqiy normalar bilan asoslab tahlillar keltirdi.

Natijada, bank xodimlari gender masalasini nafaqat ijtimoiy yoki iqtisodiy, balki diniy-ma’naviy va huquqiy jihatdan tahlil qila olish bo‘yicha tushunchaga ega bo‘lishdi. Seminar interaktiv tarzda o‘tdi – savol-javoblar va bildirilgan fikrlar muhokamaga alohida ruh bag‘ishladi. Uchrashuv yakunida D.N. Yusupova bank rahbariyati va jamoasiga iliq munosabat va e’tibor uchun minnatdorchilik bildirib, kelgusida hamkorlikni yanada kengaytirish istagini bildirdi.

1-iyun – Xalqaro bolalarni himoya qilish kuni munosabati bilan “Hamkorbank” ATB o`zining hududiy ofislari bilan hamkorlikda O‘zbekistondagi bir qancha “Muruvvat” uyi tarbiyalanuvchilari uchun bayram tadbirlari tashabbusini ilgari surdi.

Aytish joiz, nogironligi bo‘lgan, ijtimoiy himoyaga muhtoj bolalarning hayotiga oz bo‘lsa-da yorug‘lik olib kirish, ularning ko‘ngliga quvonch ulashish maqsadida o`tkazilgan mazkur hayriya tadbiri davomida qiziqarli sahna ko‘rinishlari, qo`g‘irchoq teatri namoyish etildi, esdalik sovg‘alari topshirildi.

Jumladan, bankning Ekologik, ijtimoiy va korporativ boshqaruv bo‘limi va hududiy filiallari tomonidan amalga oshirilgan tadbirda Qo‘rg‘ontepa UBXO, Qashqadaryo MBXO, Toshkent MBXO, Farg‘ona MBXO, Buxoro MBXO, Termiz MBXO hamda Aviasozlik UBXO filiallari ayniqsa, alohida faollik ko`rsatdilar.

Darvoqe, bolalar nafaqat sahna tomoshalari, balki esdalik sovg‘alari va iliq insoniy e’tibordan nihoyatda xursand bo`ldilar. Ha, bu shunchaki bayram emas. Bu — mehr, insonparvarlik va jamiyatga bo‘lgan g‘amxo‘rlik timsoli. Zotan, quvonch ulashish – oliy saodat!

Poytaxtimizning “Hamkorbank” ATB “Aviasozlik” oʻquv markazida YеTTB tomonidan Markaziy Osiyodagi “Biznesdagi ayollar” dasturi doirasida “Gender va moliyadan foydalanish imkoniyati” mavzusida IPC vakillari bilan birgalikda seminarlar o`tkazish yo`lga qo`yilgan bo`lib, 2024-yilning 14-15-noyabr kunlarida boshlangan tadbirlar joriy yilning may oyiga qadar tashkil etildi va unda Andijon viloyatida joylashgan bank tarmoqlarining mijozlarga xizmat koʻrsatuvchi bir guruh xodimlari faol qatnashdilar.

Xususan, IPC vakillari bilan birgalikda gender yoʻnalishida trenerlik qilish yuzasidan tajriba almashinuv oʻquv-seminarida ishtirok etgan bank xodimlari trening davomidagi topshiriqlar ijrosiga ko`ra, Andijon shahrida joylashgan Biznes markazida “Biznesdagi ayollar” nomli seminar tashkil qildi. Dastlabki vazifa ijrosi “Hamkorbank” ATB Gender strategiyasi toʻgʻrisidagi mavzuda “Korporativ oʻquv markazi” bosh treneri (korporativ xizmatlar boʻyicha) Ibragimov Turgʻunali Tolibjonovich zimmasida bo`lib, so`ng Ergashev Azamatjon Zaripjonovich tomonidan “Hamkorbank” ATBda ayol mijozlarga chakana bank mahsulotlarini sotish toʻgʻrisida, “Ekologik, ijtimoiy va korporativ boshqaruv masalalarini muvofiqlashtirish” boʻlimi gender boʻyicha mutaxassisi Xudoyarova Xurshida Muxtarovna tomonidan esa “Hamkorbank” ATB ayol mijozlari uchun beriladigan imtiyozlar va qulayliklar toʻgʻrisida batafsil ma`lumotlarga to`xtalib o`tildi.

Navbatdagi treninglar bank tarmoqlari va bosh bank xodimlari tashabbusi bilan bank filiallarida qizg`in davom etdi. Jumladan, “Yakkasaroy”, “Uchtepa”, “Olmazor”, “Mirobod”, “Aviasozlik” “Sergeli” filiallari xodimlari ushbu seminarda o`zlarining trenerlik mahoratlarini namoyish qilib, ishtirokchilarga muhim ma`lumotlarni ulashdilar. Trening mobaynida trenerlar tomonidan savollarga batafsil ravishda javob berildi.

Aytish joizki, bu kabi tadbirlar yangi va muhim bilimlar olish, tajriba almashish va xodimlarning kelgusidagi muvaffaqiyatlari uchun ayni imkoniyat demakdir.

Joriy yilning 18-aprel kuni poytaxtimiz Toshkentda “Hamkorbank” ATB va Yevropa tiklanish va taraqqiyot banki (YETTB) tomonidan Markaziy Osiyoda faoliyat yuritayotgan tadbirkor ayollarni qo‘llab-quvvatlashga qaratilgan muhim trening bo‘lib o‘tdi. Mazkur nufuzli tadbir “Woman in business” loyihasi va YеTTBning GEFF “Green finance” (Yashil moliya) yo‘nalishi doirasida tashkil etilib, xotin-qizlarning biznes sohasidagi imkoniyatlarini yanada kengaytirishga xizmat qildi.

Seminarda xalqaro miqyosda tanilgan YеTTB ekspertlari, Germaniyaning xalqaro hamkorlik bo‘yicha Sparkassenstiftung konsalting kompaniyasi va IPC - Internationale Projekt Consult GmbH kabi nufuzli tashkilotlarning vakillari, shuningdek, “Hamkorbank” ATBning malakali jamoasi va eng muhimi, tashabbuskor va muvaffaqiyatli tadbirkor ayollar ishtirok etdilar.

Tadbirning tantanali ochilish marosimida “Hamkorbank” ATB Mikro kichik va o‘rta biznes departamenti Rivojlanish bo‘yicha direktor o‘rinbosari Natalya Yurevna Kuzmina o‘z samimiy kirish so‘zi bilan yig‘ilganlarni qutladi. U o‘z nutqida bankning tadbirkor ayollarni qo‘llab-quvvatlash borasidagi sa’y-harakatlarini alohida ta’kidlab o‘tdi. Shuningdek, O‘zbekiston Respublikasi “Tadbirkor ayol” assotsiatsiyasi raisi o‘rinbosari, muhtarama Nigoraxon Kamaldinovna Yakubova mamlakatimizda ayollar tadbirkorligini rivojlantirishga qaratilayotgan yuksak e’tibor va yaratilayotgan keng imkoniyatlar haqida batafsil ma’lumot berdi.

YeTTBning O‘zbekistondagi kichik biznes bo‘yicha maslahat dasturining yetuk tahlilchisi, xonim Nazira Dadaxonova ayollar uchun tashkil etilayotgan bu kabi muhim tadbirlarning ahamiyatini chuqur anglagan holda, “Hamkorbank” ATBga minnatdorchilik bildirdi va ishtirokchilarni “YETTB kichik biznes uchun maslahat dasturi”ning faoliyati bilan yaqindan tanishtirdi.

Seminar davomida YeTTBning GEFF “Green finance” yo‘nalishi bo‘yicha bilimdon konsultanti, xonim Dono Abdurazzakova “Yashil moliya” dasturining mazmuni, afzalliklari va unda ayol tadbirkorlarning muhim o‘rni haqida atroflicha ma’lumot berdi. Shuningdek, “Hamkorbank” ATB Hamkorlik munosabatlari va ekotizimlarni joriy etish bo‘yicha tajribali rahbar o‘rinbosari, janob Azat Rustemovich Galeyev zamonaviy biznesning ajralmas qismi bo‘lgan “Onlayn sotuvlar uchun Internet ekvayring” mavzusida juda qiziqarli va amaliy ahamiyatga ega ma’lumotlar taqdim etdi.

Seminarning ikkinchi qismi yanada mazmunli va qiziqarli ma’lumotlarga boy bo‘ldi. “Hamkorbank” ATB Islomiy bank mahsulotlarini sotish guruhining malakali mutaxassisi Baxtiyor Isaxodjiyev ishtirokchilarga zamonaviy moliyaviy yechimlardan biri bo‘lgan “Islomiy lizing”ning afzalliklari va qo‘llanish tartibi haqida batafsil ma’lumot berdi.

Shundan so‘ng, tadbir davomida YeTTBning tavsiyasiga binoan taklif etilgan tajribali trener Ra’no Sidikova ishtirokida “Raqamli marketing va onlayn sotish” mavzusida mahorat darsi bo‘lib o‘tdi. Trener zamonaviy raqamli vositalardan samarali foydalanish, onlayn maydonlarda sotuvlarni oshirishning innovatsion usullari va muvaffaqiyatli marketing strategiyalari haqida qimmatli bilim va ko‘nikmalarni o‘rtoqlashdi.

Seminarning yana bir muhim qismida “Hamkorbank” ATB Sotish boshqarmasining xorijiy mutaxassisi Stanislav Brazinskiy “Sotish voronkasining asosiy bosqichi” mavzusida o‘z bilim va tajribalarini ishtirokchilar bilan o‘rtoqlashdi. U sotuv jarayonining har bir bosqichini aniq misollar orqali tushuntirib berdi va muvaffaqiyatli sotuv strategiyalarini ishlab chiqish bo‘yicha amaliy tavsiyalar berdi.

Tadbir davomida ishtirokchilar o‘zlarini qiziqtirgan barcha savollarga malakali ekspertlardan batafsil javob olish imkoniga ega bo‘ldilar. Seminarning yakuniy qismi ko‘tarinki ruhda o‘tdi. Barcha mehmonlarga faol ishtiroki uchun minnatdorchilik sifatida esdalik sovg‘alari va ishtirokchi sertifikatlari tantanali ravishda topshirildi. Mazkur trening tadbirkor ayollar uchun yangi bilimlar olish, tajriba almashish va kelgusidagi muvaffaqiyatlari uchun mustahkam zamin yaratishga xizmat qildi.

"Hamkorbank" jamoasi Andijondagi ijtimoiy qo‘llab-quvvatlash markazlaridan birida joylashgan qariyalar uyidagi nuroniylarning holidan xabar olib, ularga zarur bo‘lgan kundalik ehtiyoj vositalarini yetkazib berdi.

"Hamkorbank" uchun ijtimoiy mas’uliyat nafaqat yuzaki tadbir, balki faoliyatining ajralmas qismidir. Bank keksa avlod vakillariga g‘amxo‘rlik qilish, ularning hayotini yaxshilash orqali jamiyatning barqaror rivojlanishiga o‘z hissasini qo‘shish hamda ijtimoiy adolatni ta'minlashga bo'lgan ishtiyoqini namoyon etadi.

Ushbu aksiya "Hamkorbank"ning ijtimoiy loyihalarini rejalashtirish va amalga oshirishda mas'ul bo'lgan Ekologik, ijtimoiy va korporativ boshqaruv masalalarini muvofiqlashtirish bo‘limining faol tashabbusi ostida bo'lib o'tdi. 
"Hamkorbank" kelgusida ham bu kabi xayrli ishlarni amalga oshirib, jamiyatning barqaror va farovon kelajagi uchun o‘z hissasini qo‘shishda davom etadi.

Bugungi kunda ilg’or jahon tajribasini inobatga olgan holda xalqaro tamoyillarga muvofiq ESG va barqaror rivojlanish korparativ ijtimoiy ma’suliyat tamoyillariga rioya qilish sohasida yetakchi bo’lishga qo’yilayotgan qadamlar zamirida, jamiyatda mavjud bo’lgan gender, iqtisodiy va ijtimoiy tengsizlikni kamaytirishga “Hamkorbank” ATB ham intilmoqda.

2025-yil 12-13-mart kunlari "Hamkorbank" ATB hamda YeTTB (Yevropa tiklanish va taraqqiyot banki)ning GEFF (Green economy financing facility) yo'nalishidagi mutaxassislari bilan hamkorlikda "Yashil moliya" kredit mahsulotlari haqida ma'lumot berish va fikr almashish maqsadida biznes vakillari bo'lgan bank mijozlari "Hamkorbank" ATB bosh ofisiga taklif etilib, davra suhbati o'tkazildi.

Mijozlar 3 ta fokus guruhga ajratildi va YeTTB GEFF (Yashil moliya) yo'nalishi mutaxassislari Donoxon Abdurazzaqova va Holiyor Ziyakulov tomonidan "Yashil moliya" yo'nalishidagi kredit mahsulotlari bo'yicha savollar bilan ularning ushbu mahsulot haqidagi bilim darajasi o'rganildi. Mutaxassislar tomonidan ekologik muammolar va ularni kamaytirish, energiya tejovchi mahsulotlar va ulardan foydalanish to'g'risida foydali ma'lumotlar berildi.

Tadbirda "Hamkorbank" ATB mutaxassislari mijozlarni qiziqtirgan savollarga javob berishdi. Tadbirkorlar "Islomiy lizing" bank mahsulotiga qiziqish bildirishganligi sababli, "Islomiy bank mahsulotlarini sotish guruhi" bosh mutaxassisi Abdulaziz Jalilov taklif etilib, ushbu bank mahsuloti to'g'risidagi savollarga javob berdi.

Mijozlarimiz ushbu tadbirdan "Yashil moliya" liniyasi to'g'risida kerakli ma'lumotlarni olib, katta qiziqish bildirdilar. Tadbir so'ngida ularga YeTTBning GEFF yo'nalishi tomonidan Ramazon sovg'alari ulashildi.

Davra suhbati 14-mart kuni Toshkent shahriga ko'chdi. Poytaxtdagi mijozlar ishtirokida 2 ta fokus guruh jalb etildi. Mijozlar bilan YeTTBning "Women in Business" yo'nalishi mutaxassislari tadbirkor ayollarga yaratilayotgan imkoniyatlar to'g'risida suhbatlashdilar.

Aslida, odam zoti kuchli, zehnli, iqtidorli va chapdast yaratilgan. Ammo taqdirning turfa sinov va zarbalari tufayli inson yordamga muhtojlik sezsachi? Bemorlar ruhan va jismonan boshqalarning qo‘llab-quvvatlashiga ehtiyojmand bo‘lsa, atrofdagi sog‘lom fikrli odamlar doimo ko‘makka shay turishlari shart va zarur. Chunki bu sizu bizning insoniy burchimizdir. Halqimizda «odam taftini odam oladi» degan purma’no ibora bor. Inson - u qanday holatda bo‘lmasin uning uchun muhimi e’tibor.

“Hamkorbank” ATB Ekologik, ijtimoiy va korporativ boshqaruv masalalarini muvofiqlashtirish bo‘limining ish rejasidagi vazifalar doirasida bankning ijtimoiy faolligini oshirish maqsadida, Respublikamiz hududida joylashgan barcha “Muruvvat” nogironligi bo‘lgan bolalar uchun internat uylari bilan aloqalar o‘rnatib, muntazam ravishda ularni xolidan xabar olish, ehtiyojlarini o‘rganib, ularni imkoniyat darajada ta’minlash kabi hayrli ishni amalga oshirishni yo‘lga qo‘ydi.

Jumladan, dastlab Farg‘ona viloyatida joylashgan O‘zbekiston Respublikasi Prezidenti huzuridagi ijtimoiy himoya agentligining Farg‘ona viloyati boshqarmasiga qarashli Farg‘ona «Muruvvat» nogironligi bo‘lgan bolalar uchun internat uyida istiqomat qiluvchi bolajonlar holidan xabar olinib, ular uchun zarur kantselyariya mahsulotlari va gigiyena vositalari ulashildi. 
Keyingi bosqichda, Respublikamizda mavjud bo‘lgan 7 ta nogironligi bo‘lgan bolalar uchun "Muruvvat" internat uylarida tarbiyalanayotgan bolajonlarni ko‘nglini olish, ular uchun bayram kayfiyati va xursandchilik ulashish maqsadida, “1-iyun Xalqaro bolalarni himoya qilish kuni” arafasida madaniy tadbirlar tashkil etish rejalashtirildi. Tadbir doirasida Toshkent, Qarshi, Buxoro, Farg‘ona va Termiz MBXO hamda Aviasozlik UBXO va ESG bo‘limidan mas’ul xodimlar belgilanib tegishli hududlarda joylashgan “Muruvvat” nogironligi bo‘lgan bolalar uchun internat uyida Qo‘g‘irchoq teatri jamoasini jalb qilgan holda bolajonlarga ertak qahramonlari ishtirokida turli o‘yin va teatr sahnalari namoyishi tashkil qilindi. Tadbir davomida ertak qahramonlaridan zavqlangan bolajonlar sahnaga chiqib maza qilib ular bilan raqsga tushishdi va sovg‘alar olishdi.

Osmonni mehrga to‘la, pok niyatlar ila porlagan shu bolalarning nigohi poklab turibdi. Darhaqiqat, Agar yo‘lingiz tushib, «Muruvvat» va «Sahovat» uylariga borib qolsangiz, u yerda yashayotgan bolajonlar bilan suhbatlashsangiz, hayot haqidagi qarashlar, tasavvurlar butkul o‘zgaradi.

ESG bo‘limining ijtimoiy yo‘nalishdagi bunday tadbirlari kelgusida muntazam amalga oshirib turiladi, zero bu bilan bolajonlarning quvonchli kunlari bir hissaga ko‘paysa Bank rahbariyati va jamoasi bundan faqatgina xursand va maqsadiga erishgan bo‘ladi.  

Tadbirdan lavhalar:

Bankimiz tomonidan yaqin kelajakda amalga oshirish uchun oldiga qo‘ygan ko‘plab maqsadlaridan biri bu – Bankning jamoatchilik va o‘zaro manfaatdor tomonlar oldida ijobiy nufuzini ortishiga, yangi mijozlarni jalb qilishga hamda mavjud mijozlarning ishonchi va hayrixohligini mustahkamlashga yordam beruvchi ijtimoiy loyihalarni amalga oshirish hisoblanadi. Shu maqsadda ESG bo‘limi tomonidan Bank xodimlari ishtirokida donorlik aksiyalarini muntazam tashkil qilib borish yo‘lga qo‘yilib, Bank xodimlarini donorlik aksiyalarida ishtirok etishlarini targ‘ib va tashkil etish maqsadida Andijon viloyat qon quyish markazi bilan hamkorlik o‘rnatildi.

Dastlabki bosqichda Andijon viloyat qon quyish markazi mutaxassislarini jalb etgan holda Bank tizimidagi barcha xodimlarga videokonferens aloqa orqali "Donor bo‘lib faxr tuyg‘usini xis qiling" mavzusida o‘quv-seminar tashkil etilib, donor bo‘lish talablari, uning foyda va imtiyozlari haqida keng tushunchalar berildi. O‘quv seminarida Bosh bankning 192 va Bank tarmoqlarining 1286 ta xodimi ishtirok etdi. Keyingi bosqichda dastlab qon quyish markazining shifokorlarini jalb qilgan holda Bosh bank xodimlaridan qon olish (donor) tadbiri tashkil etilib, jami 53 nafar xodimdan qon olindi.
Keyingi bosqichda Andijon viloyatidagi Shaxrixon, Asaka, Xo‘jaobod, Jalaquduq, Qo‘rg‘ontepa va Nodirabegim UBXOlarga tashrif buyurib, xodimlardan qon olish (donorlik) tadbirlari tashkil etildi.
Tadbir natijalariga ko‘ra Bosh bankning 53 nafar hamda Andijon viloyatida joylashgan UBXOlarning 49 nafar xodimlaridan jami bo‘lib 45,45 litr qon olinib, undan 202 dona qon komponentlari tayyorlandi va davolash muassasalariga qonga muhtoj bemorlarga yordam sifatida berildi.
Donor bo‘lgan inson maʼlum vaqt (o‘rtacha 6 oy) o‘zini to‘liq tiklab olishi kerakligini inobatga olib, navbatdagi donorlik aksiyasi 2024 yil 11-iyun kuni soat 09:00 dan 16:00 ga qadar Bosh bank va Andijon MBXO xodimlari ishtirokida tashkil etildi. Tadbir natijasida jami bo‘lib 51 nafar donor bo‘lishga munosib bo‘lgan xodimlardan  23,97 litr donorlik qoni olinib, undan 102 ta qon komponentlari tayyorlandi va davolash muassasalariga qonga muxtoj bemorlarga yordam sifatida berildi.
Maʼlumot o‘rnida taʼkidlash joizki, donor bo‘lib xodim o‘zining sog‘ligiga foyda bo‘lishi, inson hayotini saqlab qolish kabi foydali jihatlari, qolaversa donorning oila aʼzolariga qon quyish zarurati paydo bo‘lganda navbatsiz qon olish imtiyozlari mavjud. Bugungi kunga qadar ushbu hayrli ishlarda ishtirok etgan xodimlarimiz orasida ular yoki oila aʼzolarining qon komponentlariga ehtiyoj tug‘ilgan holatlari ham uchrab turipti hamda ular navbatsiz va qon topshirmasdan qon komponentlari olish kabi imtiyozlardan foydalanib kelmoqda.

06 / 06 / 2024


Hamkorbank ijtimoiy faolligini yanada oshirish, Respublikamizda mavjud bo‘lgan barcha nogironligi bo‘lgan bolalar uchun “Muruvvat” internat uylarida tarbiyalanayotgan bolajonlarni ko‘nglini olish, ularga bayram kayfiyati va xursandchilik ulashish maqsadida madaniy tadbir va ko‘ngilochar tomoshalar tashkillashtirildi.

Shu sababdan, Farg‘ona va Qarshi shaharlarida mavjud “Muruvvat” nogironligi bo‘lgan bolalar uchun internat uylarida bo‘lib o‘tgan ko‘ngilochar tadbirda qo‘g‘irchoq teatri jamoasi bilan hamkorlikda tarbiyalanuvchi bolajonlarga ertak qahramonlari ishtirokida turli o‘yin va teatr sahna ko‘rinishlari namoyish etildi. Tadbirda ertak qahramonlaridan zavqlangan bolajonlar sahnaga chiqib raqsga tushishdi. Bolajonlarga tadbir so‘ngida sovg‘alar ulashildi.

Ishonamizki “Hamkorbank” ATB Boshqaruvi tashabbusi bilan tashkillashtirilgan ushbu tadbirlar bolajonlarga biroz bo‘lsa ham xursandchilik va zavq bag‘ishladi.

“Hamkorbank” ATB tomonidan barqaror rivojlanish va ijtimoiy mas’uliyatga qaratilgan ESG strategiyasi qabul qilindi. Ushbu strategiya doirasida biz muvaffaqiyatga erishgan mijozlarimiz haqida turkum maqolalar e’lon qilishni yo‘lga qo‘ymoqdamiz. Bizning birinchi qahramonimiz esa mikro mijozdan Bankning korporativ mijoziga aylanishga ulgurgan tadbirkor Chagay Anjelika Mironovna hisoblanadi. 

Ushbu tadbirkor uzoq vaqtdan beri bizning hamkorimiz hisoblanadi va Bank ko‘magi bilan uning biznesi doimiy ravishda o‘sib bormoqda. Ta’kidlash kerakki, ushbu mijoz erishgan yutuqlar ilhomlantiradi va birgalikdagi sa’y-harakatlar qanday qilib muhim yutuqlarga olib kelishi mumkinligiga isbot bo‘la oladi. Bu hikoya nafaqat moliyaviy o‘sish, balki haqiqiy hamkorlik, ishonch va yaxshi kelajakka intilish haqida ham so‘zlaydi. 

Men jurnalistman va 2016 yildan beri ushbu “qozonda qaynayman”. Mening sohamda yon daftardagi tezislar juda muhim rol o‘ynaydi. Agar respondentning aytar so‘zi, u bilan suhbatlashish uchun qiziqarli mavzu bo‘lsa, yoritish uchun borgan tadbiringiz qiziq bo‘lsa yoningizdagi yon daftarga o‘zingiz zarur deb bilgan tezislar tushurish tayyorlanajak material mazmunli bo‘lishini tahminlaydi. Mo‘yqalam sohiblarida shunday ibora bor: “Men rassomman va haqiqatni men aynan shunday ko‘raman”. Jurnalistlar ham ko‘rgani va his qilganini ommaga taqdim etadi. Tan olish kerakki, tajribamda oldimda yon daftar yo‘qligidan afsus qilgan paytlarim juda kam bo‘lgan bo‘lsa bu safargi respondent bilan suhbat yonimda qoralashga bir varaq oq qog‘oz yo‘qligi meni afsuslantirdi. 

- “Ota-onam ziyoli insonlar, mening o‘zim ham maktabni oltin medalga tamomlaganman. Mening ham ilm-fan yo‘lidan ketishim kutilgan bir pallada tadbirkor bo‘lmoqchiligimni bildirganman”. - deya ta’kidlaydi Anjelika. - “Oila a’zolarimda bu sohada zafar quchishim borasida shubhalar bo‘lgan, hattoki, oilamizni sharmanda qilma deb dakki ham berishgan. Ko‘rib turganingizdek, bekorga havotir olishganini isbotladim”. - Anjelika tabassum bilan yaqinlaridagi dastlabki hadiklar haqida so‘zlab berdi. 

Anjelikaning so‘zlariga qaraganda ushbu korxona 2004 yildan beri faoliyat yuritib kelmoqda: “Hozirgi kundagi tovarlar uchun yorliqlar ishlab chiqarish loyihamiz 2014 yilda amaliyotga tadbiq qilingan bo‘lib, biz o‘z yo‘nalishimizni topgunimizcha tadbirkorlikning turli sohalarida o‘zimizni sinab ko‘rdik. Bugungi kunda biz har qanday turdagi, modifikatsiyadagi va har qanday materialdan yorliqlar ishlab chiqarishga ixtisoslashganmiz”. - ta’kidlaydi Anjelika. 

Kompaniya to‘liq xizmatlar spektrini taqdim etadi: dizayndan tayyor yorliqlargacha, dizayn xizmatlari bepul taqdim etiladi. Shuningdek, kompaniyada kombinatsiyalangan materiallarni ishlab chiqarish uchun maxsus uskunalar mavjud bo‘lib, bu mahsulot tannarxini kamaytiradi. Ta’kidlash kerakki, ushbu korxonaga mamlakatimizdagi , “Artel”, “Sagban”, “Rozmetov”, “Sherin”, “Kamilka”, “Alper”, “Omega” kabi ko‘plab mashxur va talabgir brendlar ishonch bildirgan. - “Odamlar bizni shaxsan tanimasa ham biz har bir xonadonda o‘z mahsulotlarimiz bilan mehmonmiz”, biznes ledi faxr bilan ta’kidlaydi.  
  


Ishlab chiqarish korxonasining faoliyati 3 ta sex o‘rtasida taqsimlangan. Yorliqlar dizayni ustida dizaynerlar va flexo bosib chiqarish uskunalari birgalikda ishlaydilar. Agar buyurtmachi tayyor mahsulotlarni olib ketishga vaqt topa olmasa kompaniya yetkazib berish xizmatini ham taqdim etishi mumkin. 
“Chagay Plus” MChJ hamda “Hamkorbank” ATB o‘rtasidagi o‘zaro hamkorlikga o‘n yildan oshdi. Biz Bank ko‘magida shaxdam qadamlar bilan “Birgalikda yuksalish sari” bormoqdamiz”, deya ta’kidlaydi Anjelika. 
   
Tadbirkor 2011 yilda birinchi marta hamkorlik maqsadida Bankka qilgan murojaati, ushbu mijozning mikro mijozdan korporativ mijoz sifatida shakllanishiga qo‘yilgan ilk qadam bu - Bankning mikrokredit mahsuloti hisoblanadi. Bugungi kunda ushbu korxona ko‘plab ishchi o‘rinlar yaratish orqali hamyurtlarimiz farovonligi rivojiga hissa qo‘sha oladigan, mamlakatimiz ichki bozorida o‘zining metin o‘rniga ega.

Jumladan, Bank tomonidan ajratilgan kredit evaziga korxonada italiyadan keltirilgan OMET flexo bosib chiqarish uskunasi o‘rnatilgan bo‘lib, ushbu uskuna yordamida yuqori mahsuldorlik, mantiqiy dizayn va boshqarish qulayligini birlashtirgan har qanday murakkablikdagi yorliqlarni chop etish mumkin. Shuni ta’kidlash kerakki, yangi bosma tizimni sotib olish kompaniyani to‘liq modernizatsiya qilishga intilayotgan Anjelika Chagay uchun boshlang‘ich nuqta bo‘ldi.

Dastlab ushbu korxonada dastlab 30 ga yaqin xodim faoliyat yuritgan bo‘lsa, ko‘p o‘tmay, xuddi shunday ambitsiyalarga ega bo‘lgan odamlar jamoasi tuzildi va bugungi kunda xodimlar soni yuz kishidan ortiq. Qahramonimiz so‘zlariga qaraganda, o‘z vaqtida kadrlar yetishmovchiligidan qiynalgan, bunga sabab, sohada ma’lumotli va amaliy tajribaga ega, o‘z ishida natijaga intilayotgan, zamonaviy uslub va yondashuvlardan foydalanadigan qizlar va ayollar ko‘p, lekin ularga "dedlayn" belgilanar edi. 
Agar xodim turmushga chiqmagan bo‘lsa, unda uning "dedlayni" turmush qurganigacha. Shundan so‘ng ko‘p hollarda yo qaynonalar kelinning ishlashiga qarshilik qilardilar yoki turmush o‘rtog‘iga ishlab chiqarishning har bir daqiqasi ulkan mas’uliyat kasb etadigan joyda faoliyat yuritishi ma’qul kelmas edi. - "Tushunaman, aqlli va o‘qimishli qiz hammaga kerak", deydi Anjelika tabassum bilan.

Bugungi kunga kelib, nafaqat oila instituti, balki butun mamlakat taraqqiyotida turli sohalarda xotin-qizlar katta ta’sir kuchiga ega ekanligini odamlar allaqachon anglab yetgan. Ular ayollarning jamiyatda o‘z munosib o‘rnini topishiga bo‘lgan urinishlariga xurmat bilan qaray boshladilar, bildirilayotgan tashabbuslarni qo‘llab-quvvatlamoqda. Umuman olganda, tadbirkorlik sohasida ayollarning o‘sish tendentsiyasi hayratlanarli, dedi respondentimiz Anjelika.
Ichki bozorni o‘z xizmatlari bilan ta’minlovchi korxonaning ustuvor yo‘nalishi xalqaro bozorga chiqish, shuningdek, yangi kompaniya binosi qurilishini yakunlashdan iborat. Qurilish ezgu niyatlar bilan boshlangan, imkoniyatlarni kengaytirish bilan birga, yangi ish o‘rinlari yaratish ko‘zda tutilgan.

Hamkorlikdagi kamchiliklarni bartaraf etish, Bank faoliyati va mahsulotlari yuzasidan fikr almashish bo‘yicha takliflar bor-yo‘qligini bilish maqsadida yo‘llagan savolimizga quyidagi javob oldik: “Men printsipial insonman, tadbirkor sifatida esa hamkorlikda ishonch, moslashuvchan sharoitlar va qulaylik Bankning sodiq mijozi bo‘lib qolishda katta rol o‘ynaydi. O‘tgan yillar davomida “Chagay Plus” MChJ hamda “Hamkorbank” ATB o‘rtasida keng ma’noda oqilona, emotsional va ratsional boshlanishga ega bo‘lgan ijobiy munosabatlar shakllanib ulgurdi. Shuni ta’kidlash kerakki, kompaniyaning qadriyatlari, uning bozordagi o‘rni, reklama obrazlari va xabarlari bizga yaqin. Bizning ratsional sodiqligimiz esa tovar va xizmatlar sifatidan qoniqish va “Hamkorbank” ATB bilan uzoq muddatli va muntazam hamkorlikdan oladigan foydamizga asoslanadi. Boshqacha aytganda, agar ish jarayonida kelishmovchiliklar yuzaga kelgan holatda biz Bank bilan hamkorlikni davom ettirmagan bo‘lardik”.

Uchrashuvni to‘liq videosini tomosha qilmoqchi bo‘lsangiz ushbu xavolaga o‘ting.

Bugungi kunda “Hamkorbank” ATB tomonidan ilg‘or jahon tajribasini hisobga olgan holda xalqaro tamoyillarga muvofiq ESG va barqaror rivojlanish hamda korporativ ijtimoiy mas’uliyat tamoyillariga rioya qilish sohasida yetakchi bo‘lishga qo‘yilayotgan qadamlar zamirida, jamiyatda mavjud bo‘lgan gender, iqtisodiy, ijtimoiy tengsizlikni kamaytirishga intilishi yotadi. Ushbu maqsad yo‘lida belgilab olingan ustuvor vazifalar ham mavjud.

Ma’lumki, Bank tomonidan qabul qilingan ESG strategiyasi doirasida barqaror rivojlanib borayotgan mijozlar haqida ma’lumot beruvchi maqola va videoroliklarni e’lon qilishni yo‘lga qo‘ygan edik. Navbatdagi qahramonimiz esa Namangan shaxrida faoliyat yurituvchi tadbirkor Umida Rizayeva bo‘ldi.

Rejamizga ko‘ra, bu safargi maqola ham “Hamkorbank” bilan birgalikda yuksalib kelayotgan, ayollar haqidagi stereotiplarni yo‘q qilgan holda tadbirkorlik sohasida yuqori natijalarga erishib, gullar shahri Namanganda faoliyat yuritayotgan biznes ledi haqida bo‘lishi kerak edi. Ammo, “RA'NO DIAGNOSTIKA VA DAVOLASH MARKAZI” MCHJ ta’sischisi Umida Rizayeva xizmat safarida bo‘lganligi sababli bizni qiziqtirgan savollarga uning turmush o‘rtog‘i, korxona rahbari Rustam Baxriddinovdan javob oldik.

Suhbatning avvali va yakunida tadbirkor ta’kidlagan jumla: “Biznesda muvafaqqiyatga erishishning asosiy siri bu – hech nimadan qo‘rqmay faoliyatni boshlash. Agar qo‘lingizda hayotga tadbiq qilish uchun arzirli biznes plan, istiqbolli rejalaringiz bo‘lsa, bilim va ko‘nikmalaringizga asoslangan holda o‘ylanmasdan tadbirkorlik faoliyatini boshlash zarur”.

“Shunday ibora bor: to‘qqiz marotaba yiqilib o‘n marotaba qayta oyoqqa turish bu – muvafaqqiyatdir. Aytishim kerakki, oilaviy boshlagan tadbirkorlik faoliyatimizda mayda kamchiliklar bo‘lganligi rost, ammo, shu kunga qadar yirik muvafaqqiyatsizlikka yetaklovchi xatoliklar yuzaga kelmagan. Chunki, ayol kishida bilim va ko‘nikmalardan tashqari, izohlab bo‘lmaydigan intuitsiya mavjud” - deydi korxona rahbari, qahramonimizning turmush o‘rtog‘i Rustam Baxriddinov. – “Turmush o‘rtog‘imning oilaviy tadbirkorligimiz rivojidagi hissasi beqiyos. Uning maslahatlari bilan qo‘l urgan loyihalarimiz muvafaqqiyatsizlikka uchramagan. Korxonamiz vodiyda ishonchli brend darajasiga ko‘tarildi. Subordinatsiya saqlagan holda xodimlarim tarafidan menga aytilmagan ba’zi xato va kamchiliklarni, rafiqamning kuzatuvchanligi orqali to‘g‘irlab kelmoqdamiz”.

Korxona haqida ko‘rganlarimizni aytadigan bo‘lsak: korxona faoliyati dastlab 2012 yilda dori-darmon vositalarining ulgurji savdosi bilan boshlangan. Tadbirkorning so‘zlariga ko‘ra 2014 yilda “Hamkorbank” mijoziga aylangan ushbu korxona, qariyib 10 yildirki, Bankning qo‘llab-quvvatlashiga suyangan holda biznesda faoliyat turlarini kengaytirib kelmoqda. Hozirgi kunda korxona tasarrufida shahar markazida joylashgan ikkita tibbiyot markazi va dori vositalarini ishlab chiqarish korxonasi mavjud bo‘lib umumiy hisobda 200 dan ortiq fuqarolar ish bilan band qilingan.



Tibbiyot markazlarining biri 2017 yilda ikkinchisi esa 2021 yilda ish boshlagan bo‘lib, har ikkala markaz nevrologiya yo‘nalishiga ixtisoslashgan. Tashrif buyuruvchilar o‘zlaridagi nevrologik muammolardan tashqari, kardiologiya, ginekologiya, revmatologiya, urologiya sohalaridagi shikoyatlaridan ham forig‘ bo‘lishlari, hamda, barcha laborator tekshiruvlardan o‘tishlari ham mumkin. 10 dan ortiq oliy toifadagi shifokorlar faoliyat yurituvchi ushbu markazlar bir vaqtning o‘zida 100 dan ortiq bemorlarga tibbiy yordam ko‘rsatish imkoniyatiga ega. Undan tashqari, 70 ta kunduzgi davolanish (statsionar) o‘rinlari ham mavjud.

Zamonaviy arxitektura talablariga mos ravishda bunyod etilgan tibbiyot markazlari Bank tomonidan ajratilgan kredit mablag‘lari evaziga Germaniya, Yaponiya, Rossiya singari davlatlardan keltirilgan 20 dan ortiq so‘nggi rusumdagi tibbiyot uskunalari bilan jihozlangan.



“Aynan tibbiy markaz faoliyatini yo‘lga qo‘yish maqsadida mendan maslahat so‘rab kelgan insonlarga beradigan dastlabki savolim: xodimlar masalasi hal etilganmi? Sababi birinchi tibbiy markazimiz faoliyatini boshlashdagi yo‘l qo‘ygan asosiy xatolik kadrlar masalasini ertaroq hal etmaganligimizda bo‘lgan. Qurilish va jihozlash ishlari yakuniga yetgach deyarli yarim yil vaqt markazga malakali tibbiyot xodimlarini jalb qilishga ketgan” - deydi tadbirkor. - “Sohada raqobat kuchli, malakali “qo‘li yengil” shifokorlarni ishga yollamasangiz xalq ishonchiga sazovor bo‘la olmaysiz. Undan tashqari, xizmat ko‘rsatish sifatini yaxshilash, zamon bilan hamnafas bo‘lish uchun markaz faoliyatiga innovatsion yondashuvlar tadbiq etish zarur”.

Go‘zal Namangan markazidagi tibbiy maskanlar faoliyati bilan tanishib bo‘lgach shahar chekkasiga yo‘l oldik. Namanganda avjiga olgan qurilish ishlari, qad ko‘tarayotgan bir-biridan go‘zal manzillarga mahliyo bo‘lib, shahar chetidagi ishlab chiqarish zonasida joylashgan oilaviy biznesning uchinchi nuqtasiga yetib kelganimizni sezmay qolibmiz.

“Dori-darmon vositalarini ishlab chiqarish sohasida 3 ta bosqich mavjud. Biz hozirda birinchi bosqich – Galen preparatlarini ishlab chiqarishni yo‘lga qo‘yganmiz” - deya ma’lumot berdi respondent.

Turli sohada faoliyat yurituvchi tadbirkorlar bilan suhbatlashishning inson tafakkuri uchun foydali tarafi shundaki, siz deyarli har kuni qo‘llaydigan terminlarning sizga noma’lum akademik nomalarini kashf etish, lug‘at boyligining ortishidadir. Misol uchun, qadimgi Rim shifokori Klavdiy Galen nomi bilan yuritiladigan dori vositalari xomashyodan, uni suv, spirt, efir yoki spirt bilan suv, efir bilan spirt aralashmalari vositasida ekstraksiya qilib olinadi. Sodda qilib aytganda, Galen dori vositalariga tibbiyot spirti, yod, brilliant yashil eritma (zelyonka) lar kiradi.

Hozirda 60 dan ortiq mutaxassislar faoliyat yuritayotgan ushbu korxonada 8 turdagi Galen dori vositalari ishlab chiqariladi. Hozircha faqat ichki bozorni ta’minlayotgan ushbu korxona oyiga 2 mln. donadan ortiq mahsulot ishlab chiqarish quvvatiga ega. Korxonada Bank tomonidan ajratilgan kredit evaziga Xitoy davlatida ishlab chiqarilgan dori vositalarini quyish va qadoqlash liniyalari keltirilib ishga tushirilgan.

Shu o‘rinda ta’kidlash kerakki, mijoz – bu Bankimizning asosiy “steykxolder”i ya’ni Manfaatdor tomon hisoblanadi. Manfaatdor tomonlar bilan o‘zaro samarali hamkorlikni yo‘lga qo‘yish maqsadida Bank doimo o‘z ustida ishlashda davom etadi.

Jumladan, suhbat oxirlagach odatdagidek Bank faoliyati haqidagi fikr va mulohazalar, hamkorlikdagi mavjud kamchiliklarni bartaraf etish yuzasidan takliflar bilan bo‘lishish haqidagi savol bilan murojaat qildik.

“Hamkorlikning dastlabki bosqichlari sifatli bo‘lsa-yu, yillar o‘tgach xizmat ko‘rsatish sifati yomonlashsa har qanday tadbirkor ham o‘ziga boshqa ishonchli hamkor izlashga tushadi” Ammo, Bankda xizmat ko‘rsatish sifati yil sayin yaxshilanib borayotgani uchun hamkorlikning dastlabki bosqichlarida vaziyat taqozosi yoki zamon talabi sabab yuzaga kelgan kamchiliklarni eslay olmagan tadbirkor o‘rinli taklif bilan murojaat qildi: “Taklifim shundaki, “oqsoqol mijozlar”ga kredit ajratishdagi byurokratiya jarayonini yengillashtirish. O‘zim tadbirkorman va qaysidir ma’noda ushbu siyosatni oqlayman ham. Ammo, ko‘p yillik samarali faoliyat yuritib kelayotgan, kredit siyosatiga to‘liq amal qilgan, yirik soliq to‘lovchiga aylanib ulgurgan mijozlar reytingi tashkil etilib, shu reyting asnosida yangi g‘oyalarni tadbiq etish uchun kredit ajratish jarayoni yengillashtirilsa. Zero, yangi faoliyat turi ishga tushirilsa yana o‘nlab, balki yuzlab hamyurtimiz doimiy ish o‘rni bilan ta’minlanadi”.

Uchrashuvni to‘liq videosini tomosha qilmoqchi bo‘lsangiz ushbu xavolaga o‘ting.