"Hamkorbank" ATB yuridik va jismoniy shaxslarga yangi bank xizmat turi - depozit yacheykalarini taqdim etadi. Depozit yacheykalarida ishga doir hujjatlar, qimmatli qog‘ozlar, pul mablag‘lari, zargarlik buyumlari, san’at asarlari va noyob buyumlar, axborot tashuvchi elektron manbalar, shuningdek, O‘zbekiston Respublikasi qonunchiligiga muvofiq keladigan boshqa qimmatli narsalarni saqlash mumkin.

Dunyo bo‘ylab millionlab ishbilarmon odamlar o‘zlarining qimmatbaho buyumlarini banklardagi depozit yacheykalarida saqlab kelishadi. Mehnat ta’tiliga chiqqan, xizmat safariga ketayotgan yoki shunchaki xonadoningizda mavjud bo‘lgan qimmatbaho buyumlar saqlanishidan xavotir olgan taqdiringizda, Siz bankdagi depozit yacheykalaridan foydalanishingiz mumkin.

Bankning depozit yacheykalari turadigan ombor yacheyka - bu ichida saqlanayotgan narsalarning to‘laligicha xavfsizligini ta’minlovchi, dunyoning talab va standartlariga to‘liq javob beradigan zamonaviy texnik vositalar bilan jihozlangan. Bank yacheykalarining ijaraga olinganligi to‘g‘risidagi ma’lumotlar boshqa mijoz va shaxslardan sir tutilishini ta’minlaydi, ammo yacheykaga joylashtirilgan qimmatli buyumlar ro’yxati tuzilmaydi. Mijoz shaxsiy buyumlari yuzasidan ishlarni o‘zi mustaqil tarzda amalga oshiradi.