Rasmiy munosabat

02 / 10 / 20202020 yil 1 oktyabr kuni ijtimoiy tarmoqlarning ayrim manba’larida “Hamkorbank” ATB Paxtaobod (Andijon viloyati) mini banki tomonidan ajratilgan jismoniy shaxslar kreditlariga kredit ta’til berilganligiga qaramasdan kreditga penya hisoblanganligi va o‘tgan davrlar uchun penya talab etilayotganligi aks ettirilgan xabar tarqatildi. Pandemiya davrida kredit ta’tillari O‘zbekiston Respublikasi Markaziy banki ko‘rsatmasiga asosan har bir tijorat banki mamlakatdagi epidemiologik vaziyatdan kelib chiqib kredit ta’til muddatlarini mustaqil belgilagan. “Hamkorbank” ATB jismoniy shaxslar uchun kredit ta’tillarini 2020 yil 1 aprel kunidan 1 avgust kuniga qadar e’lon qilgan. E’lon qilingan kredit ta’tili muddati ichida jismoniy shaxslar uchun ajratilgan kreditlarga hech qanday penya (jarima) hisoblanmagan.