Xalqaro bolalarni ximoya qilish kuni bilan tabrik

Bolalarning yuzidagi tabassum - inson nigohini quvontiruvchi eng ajoyib tuyg'u desak adashmaymiz. Bu tabassumlarda shu qadar ko'p samimiylik va ishonch mujassam-ki, ular eng badjahl va qattiqqo'l yurak sohibini ham eritishga qodirdir.

"Hamkorbank" ATB barcha bolakaylarni Xalqaro bolalarni himoya qilish kuni bilan chin qalbdan tabriklaydi! Bolalarga bo'lgan muhabbat hayotingizga yangi ma'no va quvonch olib kelishini, faqatgina ijobiy hissiyotlar va ilhom hadya etishini tilaymiz. Bolalar kulgusi yangrasin, umid uchqunlari paydo bo'lsin va orzular amalga oshsin!

"Hamkorbank" ATB Andijon, Farg'ona, Namangan, Navoiy, Urganch, Termiz, Buxoro va Nukus shaharlarining markaziy istirohat bog'larida turli aktsiyalar va ko'ngilochar dasturlar o'tkazadi. Yurtimizning kichik aholisini va ularning ota-onalarini tadbirlarimizga taklif etamiz. Bayramni xursandchilikda o'tkazing!