Hamyurtimiz, buyuk mutafakkir, shoh va shoir Zahiriddin Muhammad Bobur tavalludining 539 yilligi, hamda 14 fevral — Xalqaro kitob sovg‘a qilish kuni munosabati bilan «Hamkorbank» ATB xayrli aksiyani o‘tkazdi. 

Bank jamoasining kitobsevar xodimlari kichkintoylar uchun nashr etilgan yangi kitoblar, shuningdek, o‘zlarining bolalik davrlaridagi adabiyotlarni ayni damda sog‘ligini mustahkamlayotgan o‘g‘il-qizlar uchun taqdim etdilar.

Ahil jamoa tomonidan to‘plangan kitoblar Andijon shahrida joylashgan viloyat bolalar ko‘p tarmoqli markazining gematologiya bo‘limida tashkil etilgan kutubxonaga taqdim etildi. 
Hamkorbank farzandlarimiz ham jismonan, ham ma'nan sog‘lom bo‘lishlarining tarafdoridir!